Bo bikanze igishitsi cy'isi
Naho iyo ngurube ari yo ibiteye.
Byanze guhita bararikenga;
Babanga amatwi barahuririza,
Babazanya indi mpamvu ibiteye.
Intumwa zikwira aharengereye
Barayirabukwa iri mu muhanda
Bajya guhumuriza amashuri,
Ngo «nimukomeze kwiga inyuguti,
Mwe gukuka umutima bundi
Kuko impamvu itumye bicika,
Ari imashini yo mu Burayi,
Igeze i Buhimba iva ku Ngunda».
Uko cyegera barashishoza.
Ya mashini ibamo igisimba.
Bamwe ngo : «ni inzovu twabwiwe !»
Abandi ngo «reka mwitubeshya!
Inzovu zisanzwe uko tuzibwirwa
N'ubwo nyine tutazibonye
Nk'enye zaguranwa iriya!»
Babona umuntu uturutse urw'iyo
Bamusiganuje arababwira,
Ati «ni ingurube nk'izi muzi!
Ihanitse urwego ijya mu ibondo
Izibye umuhanda murabiruzi.
Ababona nabi iribubagereho!
Ibyo biyikurikiye by'ibiyumbu,
Si ibibwana mutabikeka!
Ni amamodoka yabuze akayira :
Zayigaragiye bugisesa;
Ubu zirahindisha amahoni
Nyamara y'ubusa, nta cyo yumva!
Nanjye kuyicaho uko mureba
Ni uko ninyuriye iruhande,
Nca mu bisambu no mu ntusi, .../...
Ibikurikira murabisanga kuri paji Indyoheshabirayi(10)